ლიტერატურული ფესტივალი ”ინსომნია”, რომელიც წელს მესამედ ტარდება, ბათუმში გამართება. მას მაღაზია და გამომცემლობა ”წიგნები ბათუმში” უმასპინძლებს. ფესტივალში მონაწილეობის მსურველებმა საკუთარი ფობიოგრაფია (პროზაული ნაწარმოები, რომელიც შიშებზე მოგვითხრობს) 2015 წლის 5 ივლისამდე უნდა გამოგზავნონ ელექტრონულ ფოსტაზე: fest.insomnia@gmail.com

ჟიური შეარჩევს შვიდ მონაწილეს, რომლებიც 27 ივლისიდან 2 აგვისტომდე, თითო ღამით ჩაიკეტებიან მაღაზიაში ”წიგნები ბათუმში” და შექმნიან ფენტეზის, ფანტასტიკის, მისტიკის ან ჰორორის ჟანრის პროზაულ ნაწარმოებებს. გამომცემლობა ”წიგნები ბათუმში” მოამზადებს და დაბეჭდავს კრებულს, რომელშიც ფესტივალის ფარგლებში დაწერილი მოთხრობები შევა.

ფესტივალის მიზანია, ხელი შეუწყოს ფენტეზის, ფანტასტიკის, ჰორორისა და მისტიკის ჟანრების პოპულარიზაციასა და განვითარებას საქართველოში.

დამატებითი ინფორმაციისთვის მიმართეთ:

მარიამ კორინთელი: 555 64 08 87

ზაზა კოშკაძე: 599200016

Leave a Reply